Бейнелеу өнері және дизайн кафедрасы

Кафедраның тарихы

Кафедраның тарихы

1966 жылы Қарағанды педагогикалық университеті (ректоры С.Б. Баймұрзин) алғашқы рет «Сурет және сызу» мамандығы бойынша студенттер қабылдады. Мамандар дайындау физика-математика факультетінің (деканы, ф.-м. ғ.к. К.М. Арынғазин) көркем-сурет бөлімінде жүргізілді.

1972 жылы педагогикалық институт негізінде Қарағанды мемлекеттік университеті құрылуына байланысты, көркем-сурет бөлімі қайтадан ашылған Қарағанды дене тәрбиесі педагогикалық институтына (ректорлары Б.С. Мусин (1970-1973 жж), Д.А. Шаймұханов (1974-1982 жж)) берілді. «Бейнелеу өнері және сызу» мұғалімдерін дайындау ол институтта 1973 жылдан 1978 жылдар аралығында мамандықты басқа ЖОО-ына (Жезқазған педагогикалық институтында) берілгенше жүргізілді.

Мамандықтың қайта өрлеуі Қазақ КСР-ның 1984 жылғы «Қарағанды дене тәрбиесі педагогикалық институтын Қарағанды педагогикалық институтына айналдыру туралы» қаулысынан кейін басталды. 1984 жылы ректор, профессор С.Қ. Досмағамбетовтың бастамасымен ҚарПИ-на «Бейнелеу өнері, сызу және еңбек» мамандығына студенттер қабылданып, «Бейнелеу өнері, сызу және еңбекке баулу» кафедрасы ұйымдастырылды. Кафедра меңгерушісі болып доцент, т.ғ.к. В.И. Нартя сайланды. Кафедра мен бөлім физика-математика факультетінің (деканы доцент, ф.-м.ғ.к. Әлжанов К.З.) жанынан құрылды.

1985 жылы жаңа инженерлік-педагогикалық факультеттің ашылуына байланысты «Бейнелеу өнері, сызу және еңбек» мамандығы сол факультетке ауыстырылды. Факультет деканы болып Нам Э.А. қызмет етті.

1996 жылы ҚарПИ-дың Е.А. Бөкетов атындағы ҚарМУ-мен бірігуінен кейін кафедра мен факультет қайта ұйымдастырылды. Кәсіби-көркем сурет факультеті құрылып, оның құрамына графика және қолданбалы сәндік өнер (кафедра меңгерушісі доцент Нартя В.И.), бейнелеу өнері (кафедра меңгерушісі доцент Балкенов Ж.Ш.) кафедралары да енді.

1997 жылы кафедралардың бірігуі мен іріленуінен кейін «Бейнелеу өнері және дизайн» кафедрасы ұйымдастырылды және алғаш рет «Дизайн» мамандығына студенттер қабылдана бастады. Оның меңгерушісі болып ҚарМУ доценті, Қазақстан суретшілер одағының мүшесі Мұстафин Б.Е. тағайындалды. 2005-2006 жылдары кафедраны п.ғ.к., доцент Солодовиченко Л.Н., 2006-2007 жж. – п.ғ.к., профессор Хасенов М.М., 2007-2012 жж. – филос. ғыл. канд., доцент Резин Ж.Ш. басқарды.

Қазір бейнелеу өнері және дизайн кафедрасының меңгерушісі педагогика ғылымдарының кандидаты, доцент Қыпшақов С.А. Кафедрада 28 профессорлық-оқытушылар құрамы жұмыс атқарады. Олардың ішінде 12 Қазақстанның дизайнерлері одағының, 9 Еуразиялық дизайнерлер одағының, 4 Қазақстан суретшілер одағының және 2 журналистер одағының мүшелері, 7 ғылым кандидаттары және 2 ғылым магистры қызмет етеді.

Мамандық туралы

БЕЙНЕЛЕУ ӨНЕРІ ЖӘНЕ ДИЗАЙН КАФЕДРАСЫ

келесі мамандықтар бойынша мамандарды дайындайды

5В010700- БЕЙНЕЛЕУ ӨНЕРІ ЖӘНЕ СЫЗУ

Түлектерге 5В010700 Бейнелеу өнері және сызу мамандығы бойынша «Білім беру бакалавры» академиялық дәрежесі беріледі.

Білім алу барысында бейнелеу өнері мен сызуды оқыту әдістемелеріне, өнер теориясы мен тарихына, сурет, кескіндеме, композиция, мүсін және пластикалық анатомия, сәндік-қолданбалы өнер, көркем безендіру және жобалау негіздері, станоктық, кітап және қолданбалы графика, кіші сәндік пластика, қыш, тоқу, халық кәсіпшілігі, киімді көркем үлгілеу, сызба геометрия және сызу пәндері бойынша арнайы дайындыққа көңіл бөлінеді.

Мамандықтың түлегі орта жалпы білім беру мектептерінде, гимназияларда, лицейлерде, колледждерде мұғалім; мектептен тыс білім беру мекемелерінде оқытушы; білім беру мекемелерінде тәрбие жұмысын ұйымдастырушы; бейнелеу және сәндік-қолданбалы өнер бойынша әдіскер; балалардың көркем шығармашылығын ұйымдастырушы; балалар көркем студияларында, жастар бірлестіктерінде сәндік-қолданбалы өнер үйірмелерінің жетекшісі болып қызмет жасай алады.

Оқу мерзімі: 4 жыл – күндізгі оқу, күндізгі және сырттай қысқартылған – 3 жылә, екінші жоғары – 2 жыл

«Бейнелеу өнері және сызу» мамаңдығы бойынша талапкерлер келесі пәндерден емтихан тапсырады:

 

  • Қазақ тілі
  • Қазақстан тарихы
  • 2 шығармашылық емтихан (сурет және кескіндеме)

 

5В042100 – ДИЗАЙН

Түлектерге 5В042100 Дизайн мамандығы бойынша «Өнер саласының бакалавры» академиялық дәрежесі беріледі.

Оқыту барысында сәулеттік, графикалық және костюм дизайны маманданулары бойынша жалпы көркемдік сәулетттік-жобалау, графикалық және костюмды жобалау дайындықтарына үлкен көңіл бөлінеді. Барлық мамандану бойынша жобалаудың дәстүрлі түрлерімен қоса, Corel Draw, Adobe Photoshop, Adobe Illustrator, 3D Max, AutoCad бағдарламаларының графикалық пакеттерінің көмегімен заманауи компьютерлік жобалау әдістері және замануи кәсіби дизайнерге қажетті фотографика, типографика және т.б. пәндер меңгеріледі.

«Дизайн» мамандығын бітірушілер:

 

    • сәулет дизайны саласында: қалалық, ауылдық саябақ ансамблінің, экспозициялық кеңістік дизайны; тұрғыни және қоғамдық ғимараттардың ішкі кеңістігі, жерасты құрылыстары, жабдықтар мен жиһаздар, көрме және сауда экспозициясы, монументальді-әшекейлік элементтер және экстерьер мен интерьердегі әшекейлік-қолданбалы өнер элементтері жөніндегі маман;

 

  • графикалық дизайн саласында: жарнамалық фирмалар мен агенттіктердегі, бұқаралық ақпарат, сыртқы, транзитті жарнаманың электрондық және баспа құралдары үшін тауар және әлеуметтік жарнама жөніндегі, кітаптар мен иллюстрацияларды безендіру жөніндегі маман;

 

  • костюм дизайны саласында: арнайы киімдер бойынша тігін бұйымдары ансамблі, аксессуар, тоқыма, театр костюмы жөніндегі дизайнер болып жұмыс істей алады.

Сонымен қатар, мамандық түлектері мемлекеттік, акционерлік кәсіпорындарда маман ретінде; орта және орта-арнайы білім беру мекемелерінде оқытушылық қызметте; жеке жобалаушылық қызметтерімен айналысуыларына болады.

Оқу мерзімі: 5 жыл – күндізгі оқу, күндізгі және сырттай қысқартылған – 3 жыл, екінші жоғарғы – 2 жыл

«Дизайн» мамаңдығы бойынша талапкерлер келесі пәндерден емтихан тапсырады:

 

  • Қазақ тілі
  • Қазақстан тарихы
  • 2 шығармашылық емтихан (сурет және сызу).

 


Халықаралық серіктестік

Халықаралық серіктестік

Бейнелеу өнері және дизайн кафедрасының алыс және жақын шетел жоғарғы оқу орындарымен халықаралық ынтымақтастық.

Кафедраның халықаралық ынтымақтастықтың бірден бір бағыты шетел университеттерімен академиялық серіктестік болып табылады, оның аясында халықаралық білім беру және ғылыми жобалар іске асырылады. Бейнелеу өнері және дизайн кафедрасы басқа да шетел жоғарғы оқу орындарымен серіктестік байланыстарын дамытуды, професорлық-оқытушылық құраммен алмасу жұмыстарын іске асырып отыр. Кафедра алдыңғы қатарлы жоғарғы оқу орындарымен және дүниежүзілік ғылыми орталықтарымен белменді қарым – қатынас жүргізілуде: Түркия, Испания, АҚШ, Ұлыбритания, Италия, Германия, Белоруссия, Қырғызстан, Өзбекстан, Омск мемлекеттік педагогикалық университеті, Өнер институты, РАО көркемдік білім беру институты (Мәскеу); А.М.Горький атындағы Орал мемлекеттік университеті, «Өнертану және мәдениеттану» факультеті (Ресей); Шәкәрім атындағы халықаралық қор, Өнертанушылардың халықаралық ассоциациясы (Ресей), және тағы басқа алыс және жақын шетел. Әртүрлі формадағы халықаралық серіктестік туралы келісімшарттар жасалып, іске асырылуда.

Кафедра профессоры п.ғ.к. Л.Р. Золотарева Германия, Италия елдерінде ғылыми машықтану өтті.

Кафедра доценты, п.ғ.к. А.Ш. Манабаева Прага қаласында (Чехия) Халықаралық дипломатия және құқық институтында ғылыми машықтанудан өтті.

Кафедраның аға оқытушылары А.К.Буртибаева, М.У.Буканов, Г.Б. Кенжебеков С.А.Салкимбаева Братислава қаласында (Словакия) ғылыми машықтанудан өтті.

Кафедра оқытушылары «Кәсіби білім беруді дамыту: ғылыми негіздер және инновациялар» атты бірлескен зерттеу тақырыбы бойынша, Екатеринбург қаласының (Ресей) Ресей мемлекеттік кәсіби – педагогикалық университетімен жасаған серіктестік туралы келісімшарт негізінде. София қаласының машинажасау Ғылыми – техникалық қоғамымен серіктестік туралы келісімшарттар жасалды; Анкара қаласының Гази университеті (Түркия).

Студенттер халықаралық дәрежедегі шығармашылық жұмыстар көрмелеріне қатысады.

Кафедраның ғылыми қызметі

Бейнелеу өнері және дизайн кафедрасының

ғылыми-зерттеу жұмысы

Бүгінгі күні бейнелеу өнері және дизайн кафедрасы 2 профессор, 7 ғылым кандидаты, 4 доцент, 8 Қазақстан Республикасының суретшілер Одағының мүшесі, 13 Қазақстан Республикасының дизайнерлер Одағының мүшесі, 7 Еуразия дизайнерлер Одағының мүшесі, 8 Қазақстан кәсіпшілер ассоциациясы одағының мүшесі, ЮНЕСКО Клубтарының Қазақстандық Ұлттық Федерациясының 1 мүшесі, 1 халықаралық өнертанушылар ассоциациясы мүшесі және білім беру бағдарламасы базалық білімдері бар біліктілігі жоғары профессорлық-оқытушылық құраммен қамтамасыз етілген.

Кафедраның ғылыми-зерттеу жұмысы келесі бағыттар бойынша дамиды:

  • Кәсіби оқытудың қазіргі педагогы, дизайнері, педагог-суретшіні дайындауда дәстүрлі және инновациялық технологияларды интеграциялау;
  • Үздіксіз кәсіби оқыту жүйесінің әртүрлі деңгейлерінде мазмұнның сабақтастығын, оқытудың құралдарын, форма және әдістерін қамтамасыз ету;
  • Көркемдік білім беруді дамытудағы теориялық-әдістемелік негіздерді меңгеру.

Е.А. Бөкетов атындағы ҚарМУ-нің 2013-2015жж. арналған стратегиялық даму жоспарына сәйкес келесі бағыттар бойынша ғылыми-зерттеу жұмысы жүргізіледі:

 

  • Фундаменталды зерттеулер: инициативті тақырып бойынша «Кәсіби оқытудың болашақ педагогтарын көркемдік дайындаудағы теориялық және әдістемелік негіздері» п.ғ.к., бейнелеу өнері және дизайн кафедрасының доценті А.Ш.Манабаева;

Қолданбалы зерттеулер – инициативті тақырып бойынша «Бейнелеу өнері бакалаврының поликөркемдік білімінің мәдениеттану негіздері» п.ғ.к., бейнелеу өнері және дизайн кафедрасының профессоры Л.Р.Золотарева.

Кафедра оқытушылар ұжымы Қазақстан Республикасының индустриалды – инновациялық дамуы жағдайларында болашақ мамандарды кәсіби-педагогикалық даярлау технологиясын модернизациялау мәселесі бойынша жұмыс істейді.

Кафедраның профессорлық-педагогикалық құрамы зерттеу мәселелері бойынша Импакт факторы бар жоғары рейтингілі ғылыми журнал басылымдарына ұсынылған (АҚШ, г. Нью-Йорк, Мальта Университеті, Германия, Ресей, Түркия және т.б).

Кафедраның ғылыми-зерттеу жұмыстарының нәтижелері болашақ білім бакалавры және өнер дизайнерлерін дайындауда енгізіледі. Кафедра оқытушыларының ғылыми-зерттеу қызметі «ЖОО үздік оқытушысы» атты ҚР БҒМ мемлекеттік гранттарымен марапатталды.

Жыл сайын кафедра аясында «Дельфийлік ойындар», «Шабыт», «Дарын» Қарағанды қ. әкімі жүлдесіне сайыстар өткізіледі.

Аймақтық, жоғарғы оқу орны ішіндегі конференциялар, облыстық және қалалық олимпиадалар аясында, «Дизайн» пәнінен «Сәулеттік дизайн», «Графикалық дизайн» және «Костюм дизайны» бағыттары бойынша мектеп және колледж оқушыларының арасында облыстық олимпиада ұйымдастырылады.

Кафедра мамандықтарының студенттері университетте және факультетте өткізілетін ғылыи-зерттеу жұмыстарына қатысады.

Университеттік, республикалық және халықаралық деңгейлерде ПОҚ, студенттер және факультет магистранттарының зерттеу нәтижелері ғылыми еңбектер жинағында мақала ретінде жарияланады.

Студенттермен мен оқытушылар Қазақстан Республикасының Тұңғыш Президенті күніне арналған Астанадағы дизайн апталағына қатысты.

Бейнелеу өнері және дизайн кафедрасының студенттері (13 студент) Астана қаласында 9 желтоқсан 2013 жылы өткен Еуразиялық кеңістіктегі дизайнерлердің шығармашылық жұмыстарының 1-ші көрмесіне қатысып жүлделі орындарға ие болды.

Студенттермен мен оқытушылар Қазақстан Республикасының Тұңғыш Президенті күніне арналған ҚР Мәдениет және ақпарат министрлігі қолдауымен ұйымдастырылған Алматы дизайнының апталағына «Орта» номинациясы бойынша шығармашылық жұмыстарын ұсынды.

«Дизайн және қолданбалы өнер» атты ғылыми-зерттеу зертханасы жұмыс істейді (ғылыми жетекші аға оқытушы Ж.К. Комутов).

5В042100-Дизайн мамандығының 4 курс студенттері К. Нарикбаев пен А. Шкутаның жобалары Е.А. Бөкетов атындағы ҚарМУ-дың «Сәулеттік дизайн» тақырыбы бойынша ғылыми жобаларды коммерциялау жоспарына енді.

Тәрбие жұмысы

Тәрбие жұмысы

Бейнелеу өнері және дизайн кафедрасында тәрбие жұмысы келесі бағыттар бойынша жүргізіледі:
– азаматтық- патриоттық және құқықтық тәрбие;
– рухани-адамгершілік тәрбие;
– көп мәдениетті тәрбие;
– студенттің жеке тұлғасының өзіндік танып білу және өзіндік даму қажеттіліктерін, әлеуметтік қажетті және жеке қасиеттерін қалыптастыру;

– экологиялық, физикалық тәрбие, студенттердің және оқытушылар құрамы салауатты өмір салтын қалыптастыру;
– интеллектуалды мәдениет және жас таланттарды қолдау;
– студенттер мен оқытушылар құрамының әлеуметтік құқықтарын қамтмасыз ету;
– ақпараттық – насихаттау жұмыстары;


– студенттердің азаматтық-патриоттық және құқықтық тәрбие жұмыстары аясында 14 желтоқсан 2012 ж. «Қазақстан-2050 – қалыптасқан мемлекеттің жаңа саяси бағыты» Стратегиясын, Қазақстан Республикасы Президенті Н.Ә.Назарбаевтың 10 шілде 2012 ж. «Қазақстанның әлеуметтік дамуы: Жалпы Еңбек Қоғамына жиырма қадам», «Қазақстан – 2020: болашаққа жол» мемлекеттік жастар саясаты концепциялары жүзеге асыру және насихаттау бойынша шаралар жүргізіліп жатыр.

Студент жастары арасында дөңгелек үстелдер ұйымдастырылады Қазақстан Республикасының «Жемқорлыққа қарсы күрес туралы» заңы, Қазақстан Республикасының «Терроризмге қарсы күрес туралы» заңы, Президент Н.Ә. Назарбаевтың Нұр Отан партиясының XV съезіндегі 18 қазан 2013ж Доктрина жобасы туралы.

Кафедра студенттері мен оқытушылық құрамын рухани – адамгершілік тәрбиелеу мақсатында Білім күніне, «Здравствуй, первокурсник!» науқанына, КТК, «Студенттікке қабылдау» және т.б. арналған шараларға белсене қатысады.

Салауатты өмір салтын қолдау мақсатында студенттер мен оқытушылар спорттық сайыстарға белсене қатысады, университет және жалпы қалалық дәрежедегі сайыстарда жүлделі орындарға ие болды.

Студенттер Бүкіләлемдік ЖИТС – ке қарсы күніне орай «Жастар СӨС таңдайды» науқанына қатысты, сонымен қатар СӨС насихаттау жұмыстарына арналған «Краски мира» атты Қарағанды облысы әкімінің және Қарағанды облысының ІІД көрмесіне студенттердің шығармашылық жұмыстарымен белсенді түрде қатысты. (Диз-21 топ студенттері Майбасов А., Стамкулова А., Шангерей Д., Тусупова Л., Магавина Т., Корнилина К., Атабекян Л., Айдарова Ж., Садыков А., Диз-42 – Гладкова Н., Кантеева С., Исаинов О., Никифорова Н., Салмов Н., Короленко А., ИИЧ-12 – Воробьева Н., Левенец В., Тажибекова А., Саясатова Г., Садыкова А., Гусар Л. және т.б.)

 

Top