Жастар ісі жөніндегі комитеті

Жастар ісі жөніндегі комитет туралы

ЕРЕЖЕ

  • Жалпы ережелер

Жастар ісі жөніндегі комитет (бұдан әрі – ЖІК) Е.А. Бөкетов атындағы Қарағанды мемлекеттік университетінің құрылымдық бөлімшесі болып табылады, тәрбие жұмысы және әлеуметтік мәселелер жөніндегі проректорға бағынады және университет ректорына қатар бағынады.

 

  1. Бөлімшенің бағыты мен негізгі қызмет түрлері

2.1. Жастар ісі жөніндегі комитет Қазақстан Республикасының жастар саясатын жүзеге асыруға жәрдемдесуге және оны жан-жақты іске асыру жөніндегі шараларды әзірлеуге; университетте, факультеттерде, топтарда оқу-тәрбие үдерісін ұйымдастыру мен жетілдіруге қатысуға, студенттік топтарда өзара жәрдем, шығармашылық жағдайды қалыптастыруға бағытталған.

  • Бөлімше қызметінің негізгі бағыттары:

– университеттің қоғамдық ұйымдарының жастар саясатын жүзеге асыру мәселелері, жастар мәселелерін уақтылы шешу, студент жастардың құқықтарын сақтауды және оларды әлеуметтік қорғауды қамтамасыз ету бойынша қызметін үйлестіру;

– жоғарғы тұрған орындармен, жастар ұйымдарымен университет жастарының мәселелерін іс жүзінде және өзекті шешуге қатысты мәселелер жөнінде өзара іс-қимыл жасау болып табылады;

2.3. Жастар ісі жөніндегі комитеттің негізгі қызмет түрлері:

– университетте Қазақстан Республикасының мемлекеттік жастар саясатын жан-жақты жүзеге асыру бойынша жұмыс жүргізу;

–   Қазақстан Республикасының заңнамалық актілерінде, Қазақстан Республикасындағы мемлекеттік жастар саясаты туралы заңында белгіленген құқықтардың сақталуын қамтамасыз ету;

–   университет студенттерінің заңсыз әрекеттерінің алдын алу бойынша жұмыс жүргізу және сыбайлас жемқорлық көріністерімен күрес жүргізу;

–   жастардың өзін-өзі басқару органын дамытуға, жастардың мағыналы бос уақытын ұйымдастыруға жәрдемдесу;

–   қоғамдық-саяси, құқықтық, патриоттық, адамгершілік, этномәдени тәрбие бойынша іс-шараларды ұйымдастыру;

–   діни экстремизмнің алдын алу бойынша іс-шараларды ұйымдастыру;

–   студент жастардың арасында салауатты өмір салтын насихаттау және дене шынықтыру мен спортты дамыту;

–   жастардың ұжымдық және жеке кәсіпкерлік қызметін дамыту;

–   студенттердің сабақтардан бос уақытта жұмыспен қайтала қамтылуын жүзеге асыру болып табылады.

  1. СМЖ шеңберіндегі негізгі макропроцестер мен рәсімдердің тізімі

Тәрбие үдерісі.

ПК-КДМ.ВП.01: Қазақстан Республикасы мемлекеттік жастар саясатын жүзеге асыру бойынша іс-шараларды ұйымдастыру, студент жастардың құқықтарын сақтауды және оларды әлеуметтік қорғауды қамтамасыз ету;

ПК-КДМ.ВП.02: Университеттің қоғамдық ұйымдарының, өзін-өзі басқару органдары мен қызығушылық бойынша клубтардың қызметін үйлестіру;

ПК-КДМ.ВП.03: Діни экстремизмнің, студент жастардың арасында құқық бұзушылықтың алдын алу бойынша іс-шараларды ұйымдастыру және сыбайлас жемқорлық көріністерімен күрес жүргізу;

ПК-КДМ.ВП.04: Қоғамдық-саяси, құқықтық, патриоттық, адамгершілік, этномәдени тәрбие мен салауатты өмір салтын насихаттау бойынша іс-шараларды ұйымдастыру.

 

  1. Бөлімшенің штат кестесі және лауазымдық құрамы

Төраға, ЖІК маманы.

_________________________________________________

 

Пікір-сайыс клубы



ҚарМУ пікір-сайыс клубы университеттің ең танымал студенттік бірлестіктерінің бірі болып табылады. Пікір-сайыс клубы студенттердің бастамасы бойынша Жастар ісі жөніндегі комитеттің атынан құрылады және өз мүшелерінің еріктілігі, жариялылығы және теңдігі негізінде жұмыс істейді. Клуб қызметінің мерзімі шектелмеген. Клубтың өзіндік бейнелемесі бар. Клуб қызметінің негізгі түрі пікір-сайыс турнирлерін ұйымдастыру және өткізу, семинарлар өткізу, пікір-сайыстарды насихаттау болып табылады.

Пікір-сайыс клубы студенттердің ой-өрісі мен зияткерлік деңгейін дамыту міндеттерін шешеді, көшбасшылық қасиеттерді қалыптастыруға, көпшілік алдында сөйлеуге, өз сөзін қисынды құрастыруға, қарсыластардың сөздеріне дәлелді  жауап беруге, өз пікірлерінің дербестік деңгейін кеңейтуге, командада жұмыс істей білу қабілетін қалыптастыруға ықпал етеді.

Пікір-сайыс клубы жыл сайын 100-ден астам жоғары оқу орнының студенттерін біріктіреді және өз қызметін 3 лигада: мемлекеттік, орыс және ағылшын тілдерінде белсенді жүзеге асырады. Пікір-сайыс клубы лигасын үйлестіруді университет факультеттерінің студенттері жүзеге асырады.

Пікір-сайысқа университеттің барлық жарқын оқиғаларына қатысқысы келетін, сондай-ақ өзінің жеке және кәсіби өсуіне мүдделі кез келген белсенді студент қатыса алады.

Барлық сұрақтар бойынша Жастар жөніндегі комитетке хабарласыңыз (ҚарМУ бас ғимараты, 104 каб.; тел.:77-03-90 (ішкі 1110)

«ЖАС ОТАН»

Университет жанындағы “Жас Отан” жастар қанаты бөлімшесі қызметінің мәні, мақсаттары, міндеттері және негізгі бағыттары Ереже негізінде жүзеге асырылады.

«Жас Отан» ЖҚ қызметінің мәні: қоғамның саяси өміріне қатысу, «Жас Отан» ЖҚ-ның бағдарламалық мақсаттарын және міндеттерін іске асыру болып табылады. «Жас Отан» ЖҚ-ның негізгі мақсаты Қазақстан Республикасы жастарының жан-жақты дамуы үшін әлеуметтік — экономикалық, саяси және басқа да жағдайлар жасау, оның рухани-адамгершілік, интеллектуалдық және физикалық әлеуетін, әлеуметтік мәртебесі мен экономикалық жағдайын, саяси, құқықтық, экологиялық және рухани мәдениетін арттыру болып табылады. “ЖасОтан” ЖҚ — “НұрОтан” партиясының белсенді жолсерігі, елдегі жастардың жағдайын жақсарту және оны мемлекеттің әлеуметтік-экономикалық міндеттерін шешуге жұмылдыру бойынша практикалық қадамдарды іске асыру орталығы.

ЖОО жанындағы бөлімшенің негізгі мақсаттары, міндеттері және функциялары:

Жоғары оқу орны жанындағы бөлімше қызметінің негізгі мақсаты:

  • ЖОО студенттерінің құқықтары мен мүдделерін қорғау мәселелерін шешу үшін қажетті жағдайларды қалыптастыруға
  • азаматтық, мәдени, спорттық, ғылыми, білім беру, қайырымдылық, басқарушылық және әлеуметтік бастамаларды іске асыруға
  • жастарды мәдени, ғылыми, экономикалық, спорттық және білім беру іс-шараларына тарту және ұйымдастыруға
  • жастардың қарым-қатынасы және тәжірибе алмасуы үшін жағдай жасау, өзара қолдауды дамытуға бағытталған іс-шараларды өткізуге бағытталған студенттерді біріктіру болып табылады.

ЖОО жанындағы бөлімше:

  • белгіленген тәртіппен жатақханаға, әскери кафедраға студенттер үшін орын бөлуге қатысады;
  • студенттік жатақханаларда, ЖОО жанындағы медициналық орталықтардағы жағдай сапасына мониторинг жүргізеді;
  • оқу-тәрбие үдерісін ұйымдастыруды жақсарту бойынша студенттердің ұсыныстарын жинау және жинақтауды жүзеге асырады;
  • студенттік өмірді жақсарту бойынша ұсыныстарды талқылау үшін мемлекеттік органдар өкілдерімен студенттердің кездесуін ұйымдастырады;
  • студенттік өмірдің әр түрлі салаларында(мәдениет, білім беру, денсаулық сақтау және т. б.) студенттер арасында әлеуметтік сауалнама жүргізеді;
  • жоғары оқу орындарының асханаларындағы бағалар мониторингін жүзеге асырады;
  • қоғамдық іс-шараларды ұйымдастырады және өткізеді;
  • орын алған мәселелерді тиімді шешу бойынша ұсыныстар, ай сайынғы есептер, хаттар, атқарылған жұмыс туралы мәліметтер дайындайды;
  • осы Ережеде және “Жас Отан” ЖҚ жарғысында көзделген өзге де іс-шаралар»

Жоғары оқу орны жанындағы бөлімшенің алдына қойылған міндеттерге қол жеткізу және жоғары оқу орны жанындағы бөлімшенің қызметін тиімді орындау үшін

  • «Нұр Отан» партиясының және «Жас Отан» ЖҚ-ның аймақтық филиалдарымен
  • уәкілетті мемлекеттік органдармен
  • жастар ісі жөніндегі комитетпен, студенттік кәсіподақ ұйымдарымен, студенттік клубтармен
  • студенттер арасында құқық бұзушылықтың алдын алу мәселелері бойынша құқық қорғау органдармен;
  • проректорлармен, декандармен, деканның тәрбие жұмысы жөніндегі орынбасарларымен
  • кафедралардың кураторларымен, ЖОО-ның құрылымдық бөлімшелерінің басшыларымен өзара іс-қимыл жасайды.

Е.А. Бөкетов атындағы ҚарМУ “Жас Отан” ЖҚ бөлімшесі 2016 жылы республикалық байқауда “Жоғары оқу орны жанындағы “Жас Отан” жастар қанатының үздік бөлімшесі” номинациясы бойынша жеңіске жеткенін айта кету керек.

“Жас Отан” жастар қанатының қатарына кіру немесе “Нұр Отан” партиясының мүшесі болу үшін Сізге мына мекен-жай бойынша жүгіну қажет:

Университет к., 28 (Е.А. Бөкетов атындағы ҚарМУ-дың №1 оқу ғимараты №104 кабинет ЖІК) немесе келесі телефон номерлері бойынша хабарлау қажет: +7(775)-533-42-69 — Аслан Берикбекович Кабегенов (бөлімше үйлестірушісі); +7(707)-220-69-29 — Наргиз Еркебайкызы Рахимгерей (бөлімше жетекшісі).

«ЖАС ОТАН»: ӘЛЕМДІ ӨЗГЕРТЕТІН ЖАСТАР!

Факультетің жастар ісі жөніндегі комитеті

Факультетің жастар ісі жөніндегі комитеті – факультеттің белсенді студенттерін біріктіретін факультет деңгейіндегі студенттік өзін-өзі басқару субъектісі. Олардың қызметі қандай? -Факультетте мемлекеттік жастар саясатын жүзеге асыру бойынша іс-шараларды ұйымдастыру, факультетте қоғамдық-саяси, құқықтық, патриоттық, адамгершілік, этномәдени тәрбие, салауатты өмір салтын насихаттау бойынша іс-шараларды ұйымдастыру.

Факультеттің Жастар ісі жөніндегі комитеті деканатпен, студенттік топтармен және факультеттегі бірлестіктермен өзара іс-қимыл жасайды; факультет әкімшілігі алдында өзіне тапсырылған қызмет саласы мен жұмыс тиімділігі үшін жауапты; факультетті жалпы университеттік деңгейде ұсынады; факультет студенттерінің жалпы университеттік іс-шараларға қатысуын ұйымдастырады

Студенттік омбудсмен


Студенттік омбудсмен – студенттер арасынан сайланатын студенттер құқығы бойынша өкілетті тұлға. Студент жастардың әлеуметтік құқықтары мен мүдделерін қорғау Студенттік омбудсменнің басты миссиясы болып табылады.

Омбудсмен лауазымына оқу курсына, жынысына, ұлтына, діни сеніміне қарамастан күндізгі бөлімде оқитын студент үміткер бола алады.

Студенттік омбудсмен білуге міндетті:

  • Қазақстан Республикасының Конституциясын;
  • «ҚР-дағы мемлекеттік жастар саясаты туралы» ҚР заңын»;
  • «Білім туралы» заңды;
  • Корпоративтік этика кодексін;
  • Ішкі тәртіп ережелерін;
  • Студенттік омбкдсмен туралы ережені.

Студенттік омбудсменді сайлау тәртібі:

ЖОО студенттерінің студенттік омбудсменді сайлауға қатысуы ерікті болып табылады.

Студенттік омбудсмен лауазымына үміткерлер жалпы жиналыс өткізілгенге дейін кемінде 3 күн бұрын өтініш және студенттік топтың ұсыныстарын ұсынады.

Сайлау жасырын дауыс беру жолымен жүзеге асырылады, әрбір қатысушы бір бюллетенге бір дауысқа ие болады.

Женген адам қарапайым көпшілік дауыспен анықталады.

Студентік омбудсменнің міндеттері:

  • білім беру үдерісі қатысушыларының азаматтық-құқықтық мәдениетін дамытуға ықпал ететін ұйымдастыру шараларын әзірлеу, ЖОО-да демократиялық мінез-құлық нормаларын және өзара қарым-қатынасты тәрбиелеу;
  • білім алушылардың құқықтық тәрбиесі мен білімі;
  • сыбайлас жемқорлықтың алдын алу жұмыстары;
  • студент жастардың құқықтары мен мүдделерін қорғау;
  • белделді нығайтуға жәрдемдесу.

Студенттік омбудсмен болғысы келетін барлық белсенді студенттер үміткерлер тізіміне енгізу үшін Жастар ісі жөніндегі комитетке жүгініңіздер (ҚарМУ бас корпусы, каб.104; тел.: 77-03-90 (ішкі. 1110)

Еріктілердің студенттік жасағы





Еріктілердің студенттік жасағы (факультет деңгейінде де, университет деңгейінде де жұмыс істейді) – студенттердің бастамасымен құрылған, оқудан бос уақытта әлеуметтік-пайдалы, әлеуметтік маңызы бар қызметпен ақысыз негізде айналысатын студенттердің ерікті бірлестігі. Еріктілер жасағы жасақ қатысушыларымен сайланған командирдің басшылығымен әрекет етеді. Волонтерлік қызмет мысалдары: «Ардагер қасыңда тұрады» акциясы,балалар үйлері, қарттар үйлері, мүгедектер үйлеріне шығуарқылы қайырымдылық акциялар; қайырымдылық концерттер;  экологиялық акциялар; стадиондарда, алаңдарда және т. б. көпшілік театрландырылған көріністерге студенттердің қатысуы; студенттік форумдарда, фестивальдардағы жұмыс (қонақтар мен қатысушылардың кездесуі, қонақ үйлерге орналастыру, экскурсиялық сүйемелдеу және т. б.).

Студенттік парламент


Университетте Студенттік парламент өз қызметін белсенді танытады. Студенттік парламент студенттік өзін-өзі басқарудың өкілетті органы болып табылады. СП қызметі еріктілік, оған қатысушылардың тең құқылығы,өзін-өзі басқару, заңдылық, жариялылық қағидаттарына негізделеді.

СП мақсаттары:

  • Қазақстан Республикасының мемлекеттік жастар саясатын іске асыруға жәрдемдесу;
  • студент жастардың құқықтары мен заңды мүдделерін қорғауға жәрдемдесу, студент жастардың құқықтары мен заңды мүдделерін қозғайтын құқықтық актілер жобаларын әзірлеу кезінде олардың бастамаларын ұсыну;
  • жастар бойында белсенді өмірлік ұстанымды қалыптастыруға ықпал ету;
  • жастардың өзін-өзі басқаруын дамыту болып табылады.

СП өз қызметінің негізгі мақсаттарына сәйкес алдына келесі міндеттерді қояды:

  • Студенттік парламенттің студент жастарға патриоттық және рухани-адамгершілік тәрбие беру, интеллектуалдық, шығармашылық және дене бітімінің дамуы, оның студенттік бастамаларын, ғылыми және шығармашылық әлеуетін іске асыру бойынша университеттің басқа да қоғамдық жастар бірлестіктерімен өзара іс-қимылын қамтамасыз ету;
  • студент жастарда белсенді өмірлік ұстанымды, университеттің, қаланың, облыстың, республиканың қоғамдық-саяси өміріне қатысуға дайындығын қалыптастыру;
  • жастар саясаты саласында ақпараттық-талдау және кеңес беру қызметін жүзеге асыруға жәрдемдесу;
  • жастар мәселелері бойынша түрлі қоғамдық ұйымдар мен мемлекеттік билік және жергілікті өзін-өзі басқару органдарының өкілдерін тарта отырып, тыңдауларды, дөңгелек үстелдерді, конференцияларды ұйымдастыру және бастамашылық жасау;
  • СП депутаттарында көпшілік алдында сөйлеу дағдыларын, саяси мәдениеттің негіздерін дамыту.

Өз факультетінің көшбасшысы болуға, университеттің барлық ірі оқиғаларына қатысуға ниет білдірген, сондай-ақ өзінің жеке және кәсіби өсуіне мүдделі кез келген белсенді студент Студенттік Парламенттің қатысушысы бола алады.

Студенттік Парламент “Белсенділердің жастар қанатына” барлық ниет білдірген студенттерді қабылдайды. Кейіннен олар Студенттік Парламент депутаттығына сайлауға түсе алады.

Барлық сұрақтар бойынша Жастар жөніндегі комитетке хабарласыңыз (ҚарМУ бас ғимараты, 104 каб.; тел.:77-03-90 (ішкі 1110)

Жатақханалардың студенттік кеңестері


Жатақханалардың студенттік кеңестері жатақханаларда тұратын студенттердің өмірі мен тұрмысын жақсарту міндеттерін шешеді. Студенттік кеңестер Университеттің Жастар ісі жөніндегі комитеті және жоғары оқу орының әкімшілігінің қолдауы негізінде қызмет етеді және қызметтң келесі бағыттарын жүзеге асырады:

  • Тәрбиелеу;
  • Спорттық-сауықтыру;
  • Мәдени-көпшілік;
  • Санитариялық номаларды сақтау және қоғамдық тәртіпті қамтамасыз ету бойынша жұмысты ұйысдастыру;
  • Студент жастардың тіршілік әрекеті мәселелерін шешу;
  • Әлеуметік белсенділікіті дамыту;
  • Әлеуметтік және тұрғын үй-тұрмыс жағдайын жетілдіру.

Жатақханалардың студенттік кеңестері университеттің басқа өзін-өзі басқару органдарымен өзара әрекеттеседі.

Не? Қайда? Қашан?




«Не? Қайда? Қашан?» интелектуалдық клубы студенттердің бастамасы бойынша Жастар ісі жөніндегі комитеттің атынан құрылады және өз мүшелерінің еріктілігі, жариялылығы және теңдігі негізінде, Қазақстан Республикасының заңнамасына сәйкес жұмыс істейді. Клуб қызметінің мерзімі шектелмеген. Клубтың қысқаша атауы – НҚҚ? ИК. Клубтың өзіндік бейнелемесі бар.

Клубтың мақсаттары мен міндеттері:

  • Интелектуалдық ойындарды пайдалану арқылы жарыстар өткізу;
  • Жергілікті клубтарды интелектуалдық ойындар арқылы біріктіру;
  • Адамдарды интелектуалдық ойындарға тарту.

Клуб қызметінің негізгі түрлері «Брейн-ринг» және «Не? Қайда? Қашан?» интелектуалдық ойындарын ұйымдастыру және өткізу болып табылады

«Қарағанды жастар «Мемлекеттік Қызмет мектебі»






«Қарағанды жастар «Мемлекеттік Қызмет мектебі» жобасы – жастардың шешімдер қабылдауға және мемлекеттік қызметтегі бәсекеге қабілеттілікті дамытуға, неғұрлым талантты белсенді жастарды мемлекеттік қызметте жұмыс жасауға тарту ұшін алғышарттар жасауға және мемлекеттік мекемелердің жұмысымен танысуға қатысуына бағытталған іс-шаралар жиынтығы.

Жобаның қызметі Мемлекеттік қызметке неғұрлым белсенді және перспективалы жастар көшбасшыларын тарта отырып, мемлекеттік органдардың кадрлық резервін қалыптастыруға бағытталған.

Жыл сайын “Жас мемлекеттік қызметші мектебі” қызметіне 300-ден астам студент тартылады. Жоба қатысушылары Қазақстан Республикасының заңдарын білуге арналған тестілеуден өтеді. Осы кезеңнен сәтті өткен студенттер іріктеудің екінші кезеңіде “Неліктен мен Қарағанды Жастар “Мемлекеттік қызмет мектебіне түсуге шешім қабылдадым”тақырыбында эссе жазуда шығармашылық емтиханнан өтеді. Үшінші кезең – ҚР Мемлекеттік қызмет істері министрлігінің Қарағанды облысы бойынша департаменті базасында талапкерлердің психологиялық және моральдық жай-күйін бағалау мақсатында өткізілетін сұхбат. Емтихандарда, эсседе, сондай-ақ сұхбатта үздік нәтиже көрсеткен студенттер тағылымдамадан өтушілер қатарына қабылданады және Қарағанды облысы әкімі аппаратының қайта даярлау және біліктілігін арттыру аймақтық орталығы базасында тағылымдамадан өтеді. “Мемлекеттік қызмет мектебі” жобасын іске асыру шеңберінде қала және облыс мемлекеттік органдарымен және мекемелерімен, 14 келісім жасалды, оның ішінде:

  • ҚР Мемлекеттік қызмет істері министрлігінің Қарағанды облысы бойынша департаменті;
  • Қарағанды облысының жастар саясаты мәселелері жөніндегі басқармасы;
  • Қарағанды облысының Тілдерді дамыту жөніндегі басқармасы;
  • Қарағанды облысының Білім басқармасы;
  • Қарағанды облысының дене шынықтыру және спорт басқармасы;
  • Қарағанды обылысының кәсіпкерлік басқармасы;
  • Қарағанды облысының экономика және қаржы басқармасы;
  • Қарағанды облысының ішкі саясат басқармасы;
  • Шет ауданының әкімдігі;
  • Қарағанды обылысының құрылыс басқармасы;
  • Қарағанды облыстық соты;
  • Қарағанды облысының әділет департаменті;
  • Қарағанды облысының мәдениет басқармасы;
  • Қарағанды облысының статистика департаменті.

“Жас мемлекеттік қызметші мектебінде” тағылымдама мемлекеттік органдардың қызметін, олардың басқару функцияларын, ерекшеліктерін, әдіснамасын, іс жүргізу негіздерін және қызметтік этикасын тікелей зерделеуді қамтиды. Тағылымдама аяқталғаннан кейін алған тәжірибе мен білімнің қорытындысы ретінде диплом беріледі

Top